[img:6026]
[ندعوك للتسجيل في المنتدى أو التعريف بنفسك لمعاينة هذا الرابط]النهرده جيبالكم طريقة بسيطة جدا لمحشى الكرنب للمبتدئات والعرايس وكل اللى مش بتعرف تعمله
المكونات
طبعا كرنبه
مقادير الخلطه
كيلو طماطم
بصلتين متوسطين
حزمتين كسبرة خضرا وحزمتين بقدونس
7 كوبايات رز
توابل للخلطة /فلفل-ملح-رشة شطة-بهارات-قرفة-كمون-كسبرة ناشفة
طريقة الخلطة
نغسل الرز كويس
نحط البصل والطماطم ع النار شوية وبعدها البقدونس
نطفى النار ونضيفلهم الرز ونقلب ويعدها نحط التوابل ونقلب
نيجى بقى للكرنبه
هتشيلى ورقة ورقة من الكرنبة وتحطيهم على الترابيزة
وقبلها تكونى مجهزة حلة كبيرة فيها ميه ومعلقتين كمون وفصين توم دى اللى هنسلق فيها ورق الكرنب
[ندعوك للتسجيل في المنتدى أو التعريف بنفسك لمعاينة هذه الصورة]نغطيها ونسيبها تغلى ولما تغلى نحط فيها كل ورقة لوحدها لمدة نص دقيقة او اقل عشان متتقطعش منك فى اللف
[ندعوك للتسجيل في المنتدى أو التعريف بنفسك لمعاينة هذه الصورة]ونشيلها ونحط اللى بعدها وهكذا لغاية مايخلصو
انا عنت الورق فى بولا فى التلاجه عشان مش هحشيه فى نفس اليوم
نيجى بقى للتقطيع
هتجيبى الورقة وتفرديها على طبق وتقطعى العرق التخين اللى فى النص
[ندعوك للتسجيل في المنتدى أو التعريف بنفسك لمعاينة هذه الصورة]بعد كده هتلفى الورقة على شكل اسطوانة
[ندعوك للتسجيل في المنتدى أو التعريف بنفسك لمعاينة هذه الصورة]وهتقطعى الاسطوانة دى
طبعا الكلام ده هتطبقيه على كل الورق
[ندعوك للتسجيل في المنتدى أو التعريف بنفسك لمعاينة هذه الصورة]هتجيبى اى جزء من اللى انتى قطعتيه من الاسطوانة
[ندعوك للتسجيل في المنتدى أو التعريف بنفسك لمعاينة هذه الصورة]هتفرديها هتطلعلك ورقة طويلة
[ندعوك للتسجيل في المنتدى أو التعريف بنفسك لمعاينة هذه الصورة]هتقطعيها عشان تاخدى كل ورقة من اللى قطعتيها وتبدأى تحشيها
[ندعوك للتسجيل في المنتدى أو التعريف بنفسك لمعاينة هذه الصورة]هتجيبى الورقة وتفرديها على الطبق اللى هتحشى عليه ولازم وانتى بتحشى عروق الورقة تكون بالعرض زى كده
[ندعوك للتسجيل في المنتدى أو التعريف بنفسك لمعاينة هذه الصورة]تجيبى كمية الخلطة اللى انتى حباها وتحطيها على طرف الورقة
فيه ناس بتحب تحط كتير وناس لاء
[ندعوك للتسجيل في المنتدى أو التعريف بنفسك لمعاينة هذه الصورة]تمسكى الخلطة بالورقة وتضغطى عليهم وتلفى عشان يبقى الصوبع متماسك
[ندعوك للتسجيل في المنتدى أو التعريف بنفسك لمعاينة هذه الصورة]وتكملى لف
[ندعوك للتسجيل في المنتدى أو التعريف بنفسك لمعاينة هذه الصورة]وتحطى الصوابع فى الحلة بشكل دائرى او بالشكل اللى يريحك
انا كنت فارشة الحلة ورق الكرنب الاخضر اللى بيبقى على الوش بس الخطوة دى
على حسبك انتى يعنى ممكن نستغنى عنها
[ندعوك للتسجيل في المنتدى أو التعريف بنفسك لمعاينة هذه الصورة]وهكذا لغاية ماتخلصى الحلة بس سيبى فيها مسافة عشان الشوربة وعلى فكرة غالبا الكرنبة بتعمل حلتين واحدة متوسطة وواحدة صغيرة
نيجى بقى للسواء هتسخى الشوربة اللى هتسقى بيها الكرنب
وهتحطى الحلة ع النار وتحطى على الوش معلقة زبدة وتغطى الحلة لمدة 10 دقايق
وبعدها تحطى الشوربة بعد ماتكون غليت تحطى لغاية ماالشوربة تبقى فوق
الكرنب
وبعدها تحطى طبق على وش الكرنب يكون قد الحلة
الخطوة دى مهمة عشان الطبق بيكبس الشوربة مع البخار وتخلى الكرنب يستوى كويس
[ندعوك للتسجيل في المنتدى أو التعريف بنفسك لمعاينة هذه الصورة]وتسيبيه على نار هادية لمدة ساعة ونص ممكن اقل او اكتر انتى لازم كل شوية تكشفى عليه وتحطى الشوكة فى واحدة وتشوفيه استوى ولا لاء
وبالهنا والشفا
[ندعوك للتسجيل في المنتدى أو التعريف بنفسك لمعاينة هذه الصورة]
