أكلة تتعمل فى نص ساعة بس .. لست البيت اللى محتارة او ملهاش مزاج تطبخ او مستعجلة ..

[img:35d3][ندعوك للتسجيل في المنتدى أو التعريف بنفسك لمعاينة هذا الرابط]

حبيباتى فى الله .. يارب اقدر اقدملكم حاجة تعجبكم

طبعا أحيانا بيعدى
علينا أيام وبنبقى زهقانين من الطبخ او مستعجلين وعاوزين أكلة سريعة وجميل
ومفيدة فى نفس الوقت علشان ازواجنا ميرجعوش من الشغل ويلاقونا عاملين أكل
أى كلام .. كمان ممكن نكون زهقنا من اللحوم والفراخ وعاوزين اكلة حلوة من
غيرهم والنهاردة انا كمان كنت عاوزة اغير وعلشان كدا عملت :

الكشـــرى الأصفــر والمسقعة الخاصة مع أحلى طماطم مخللة

وإليكم الوصفة والمقادير بالصور

اولاً: الكشرى الأصفر

[ندعوك للتسجيل في المنتدى أو التعريف بنفسك لمعاينة هذا الرابط]

المقادير: 2 ونص كوب أرز

2 ونص كوب عدس اصفر

بصلة صغيرة مفرومة

شوربة او ماء وملح ونصف مكعب ماجى

الطريقة : نخلط
الارز بالعدس ونغسلهم بالماء جيدا من غير نقعهم .. وبعدين نجيب حلة ونحط
فيها زيت حسب الرغبة ونشوح البصلة المفرومة تشويح بسيط ونقوم نضيف الرز
والعدس ونسقيهم بالشوربة او المياو والملح والماجى ( وممكن الإستغناء عن
الماجى للى مش بيحبه ) بس ولما المية تغلى نوطى عليه وبعدها بربع ساعة كدا
نشوفه ولو استوى نطفى عليه .. وعلى فكر كل الخطوات دى مش بتاخد اكتر من 10
دقايق بالكتيييير كمان

ثانياً: المسقعة الخاصة

دى مسقعة غير اللى بنعملها صينية فى الفرن .. دى مسقعة خاص بالكشرى ..

المقادير: ثمرة باذنجان رومى او نصف ثمرة حسب العدد اللى هياكل

[ندعوك للتسجيل في المنتدى أو التعريف بنفسك لمعاينة هذا الرابط]

وثلاثة فلفل أخضر .. معلش نسي اصور الفلفل فجيبتلكم صور جاهزة

[ندعوك للتسجيل في المنتدى أو التعريف بنفسك لمعاينة هذه الصورة]

ونصف كيس صلصة جاهزة ونص مكعب ماجى وملعقة ثوم مفروم وخل وملعقة صغير سمن او زيت حسب الرغبة

ريقة :

نقطع الباذجان مكعبات صغيرة والفلفل شرايح .. اسفة كذلك ما صورت الفلفل المقطع

[ندعوك للتسجيل في المنتدى أو التعريف بنفسك لمعاينة هذا الرابط]

نقلى الباذنجان والفلفل سويا

[ندعوك للتسجيل في المنتدى أو التعريف بنفسك لمعاينة هذا الرابط]

وبعدين اثناء القلى نحضر الصلصة : نجيب حلة ونحط فيها السمن او الزيت ونضيف
الثوم ونشوحه تشويحة بسيطة ونضيف الصلصة ونقلب ونضيف 1/2 كوب ماء ونضيف
الماجى ونقلب واو ما الصلصة تتماسك نصف تماسك نضيف الخل .. وفى الأثناء دى
هيكون خلصنا قلى الباذنجان والفلفل .. ناخدهم ونصفيهم على مناديل المطبخ
وبعدين نضيفهم للصلصة ونقلب كويس ونطفى علطووووول

ودى صورةالصلصة

[ندعوك للتسجيل في المنتدى أو التعريف بنفسك لمعاينة هذا الرابط]

ودى الصورة النهائية للمسقعة

[ندعوك للتسجيل في المنتدى أو التعريف بنفسك لمعاينة هذا الرابط]

صحيح الكلام كتير بس فى التنفيذ كل دا مبياخدش اكتر من 10 دقائق ايضا

نيجى بقى للتحابيش والحاجات اللى تفتح النفس

الطماطم المخللة

[ندعوك للتسجيل في المنتدى أو التعريف بنفسك لمعاينة هذا الرابط]

بنجيب 5 حبات طماطم ونقطعهم مربعات

ونجيب المفرمة بتاعتنا .. نفرم 3 فصوص توم + 2 فلفل اخضر + ملح + 2 عصير ليمونة+ خل + كمون + كسبرة ناشفة

نضيف الخليط السابق ع الطماطم ونقلبها

.................................................. .......................................

أتمنى أكون قدرت افيدكم وأوصفلكم وصفة سهلة .. وبجد بجد بتطلع اكلة
رااااائعة ومفيدة جدا وتغيير عن الأكل اليومى .. وصدقونى التحضير والعمايل
ما بتاخد اكتر من نصف ساعة او ساعة إلا ربع بالكتييييير وبالهنا والشفا

مممممممممممم شهيتيني

مشكورة على الطرح حنونة

» ملابس البيت للبنات الجميلات
» آخر عدد لمجلة aryame للقنادر البيت