☆☆ الديــــــــكـ الرومــــــــيـ يـــــا جمالــــــــــه مــن بطوطــة ☆☆

[ندعوك للتسجيل في المنتدى أو التعريف بنفسك لمعاينة هذه الصورة]

إزيكم حبوبات عضوات وزائرات

من غير رغى وكتر كلام هأدخل فى الموضوع

بقى مصائب قوم عند قوم فوائد
أو نقدر نقول
أعياد قوم عند قوم فوائد

وزى ما إنتو عارفين هنا فيه عيد الثانكس جيفن
فى آخر شهر نوفمبر وللى ما تعرفش منكم
العيد ده كل اللى يهمنا منه إنهم بيآكلوا فيه
الديك الرومى وبتكون فيه عروض وتخفيضات
عليه كتير وقررت أستغل الفرصة
وقررت إن محدش هينافسنى [ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]

ورحت وجيت وشفت أقل الأسعار و
خرمت جيب أبو الشباب
وعبيت الفريزر من الوحش

وقلت أعمله بكذا طريقة
ومفيش أحسن عندى منكم
أشارككم طرق الطهى المختلفة
وكلها الذ من بعضها
وهابلغكم النتيجة فى الآخر

يللا بينا فى رحلة لطرق طهى
مختلفة لهذا الوحش اللذيذ
واللى بيشرف أى مائدة
بالذاااات فى العزايم

[ندعوك للتسجيل في المنتدى أو التعريف بنفسك لمعاينة هذا الرابط]

الوحش الأول

ده كان حوالى 7 كيلو كده
6 ملاعق كبيرة زبدة
معلقتين ملح
بصلتين كبار مفرومين
عصير ليمونة كبيرة
أوريجانو وريحان ناشف حوالى معلقة صغيرة
ربع كوب عصير تفاح غير محلى
تفاحتين ( يفضل النوع الحامض المزز يعنى) أنا إستخدمت تفاح أخضر
ممكن التفاح المصرى الناشف بيكون مزز قبل ما يستوى ويسكر

الطريـــقة

نخلط الملح مع الزبدة وعصير الليمون وعصير التفاح والبهارات مع بعض

[ندعوك للتسجيل في المنتدى أو التعريف بنفسك لمعاينة هذه الصورة]

نجيب الباشا وندعكه بالخليط السابق بالذات عند الصدر بين الجلد واللحم وبعدين من برة
وأى باقى من الخلطة دى نخلطها مع التفاح ونحشى بيه الديك من جوة
[ندعوك للتسجيل في المنتدى أو التعريف بنفسك لمعاينة هذه الصورة]

وبعدين حطيته فى كيس الفرن ورشيته من بره بالبقدونس الناشف

[ندعوك للتسجيل في المنتدى أو التعريف بنفسك لمعاينة هذه الصورة]

يوضع فى فرن ساخن حوالى 350 درجة فهرنهايت
بيقعد حوالى 4 إلى 5 ساعات
حسب وزن الديك
بس نصيحة.... غطيه بفويل من فوق علشان ما يتحمرش قوى وقبل
ما يخلص بساعة إكشفى الفويل علشان يتحمر

[ندعوك للتسجيل في المنتدى أو التعريف بنفسك لمعاينة هذه الصورة]

منظر آخر

[ندعوك للتسجيل في المنتدى أو التعريف بنفسك لمعاينة هذه الصورة]

وممكن كمان أثناء السوا ترشى عليه عصير تفاح غير محلى برضه
لزيادة النكهة

</blockquote>

ويقدم بالهنا والشفا

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]