طريقة تفصيل سروال الشلقة

السلام عليكم ورحمة الله وبركاته
لطلب بعض الاخوات هنا عن طريقة تفصيل سروال الشلقة

[ندعوك للتسجيل في المنتدى أو التعريف بنفسك لمعاينة هذه الصورة]

صورتلكم الشكل برك باه تفهمو عليا وش راح نشرح
وان شاء الله كي ديروه يخرجلكم
المهم هادي الصورة اتاملي فيها مليح

i[[ندعوك للتسجيل في المنتدى أو التعريف بنفسك لمعاينة هذه الصورة]

عندنا اول شيء القماش راه مطبق -مطوي- على 4
وحاشية القماش –لاليزيار- ديما نديروها في الطول

وشفتو منين كتبت القياس من الخصر الى الركبة تم تحطي الجهة لي مغلقة من القماش
يعني تم منتصف بدون خياطة

وديري الطول شحال تحبيه غالبا هو 1 متر

الفوق تقيسي تور دو ليونش وتزيديلها 3 سم تاع لخياطة والسانسور للي حبت تديو

-هو يا اما ديري سانسور ولا لاستيك
اذا درتي سانسور لازم ديري بوند تما (محزمة) يكون طولها طول الخصر + 3سم والعرض تاعها 8 سم
بالصح اذا حبيتي لاستيك بلا ماديري المحزمة

هو للي مبتدئة خلاص طريقة لاستيك هو لي يجيها اسهل

لانو لوخر فيه شوي خدمة وانا ماصورتش الطريقة بالتفصيل لضيق وقتي

تحطي لتحت خلاص 10 سم لانو راه على 4 وكي تحليه يولي 20 سم
ووين كتبت من الخصر الى الركبة قيسي من خصرك الى ركبتك وحطي نقطة تم
وقيسي المحيط تاع ركبتيك وانت فاتحة رجليك قدر ماتمشي يعني مش مفتوحين خلاص ولا مغلوقين خلاص يكونو عادي كيما تحكمي توازنك
القياس لي لقيتيه حطيه تم وديري نقطة
ووصلي بخط كيما درت بصح ماتفوتيش على النقطة تاع قياس الركبة تجنبيها شوي

والفوق
خلاص وين كتبت 1.5 سم راهي للي حبت تديرو تاع سانسور على خاطر كي تجي تركب
السنتورة هديك كون ماديرش 1.5 سم وتقصو بنفس الخط لي درتو في الصورة
تجيها معوجة
واذا تاع لاستيك بلا ماديرها هديك

من بعد خيطيه عادي والشقة ديريها طول ماتحبي

ان شاء الله تكونوا فهمتو عليا
Embarassed

واسمحولي ماصورتش الطريقة بالتفصيل لانو الوقت برك ماعنديش
اي استفسار راني هنا

» طريقة تفصيل وخياطة قميص نوم
» مجلات تفصيل و خياطة للتحميل
» تفصيل و خياطة جلابية مغربية
» طريقة عمل الحدائق الزجاجيه
» طريقة لف الفوطة للتزيين....